Основен рецепт : Двојно печени и полнети компири

Pin It

Ако досега не сте пробале печени и полнети компири, да бидете реални, вие сте пропуштиле многу! Тоа е храна која го разигрува срцето. Навистина. Има нешто убаво во полнетата храна. Особено кога се компирите во прашање, тука нема утка. Подоле ќе видите две верзии за полнење: здрава и не толку здрава, ако било што може да се нарече здраво. Или вегетаријанска и месна верзија. За овие компири е многу важно,а ко не и најважно да користите компири со тврда и рапава кора, затоа што тие се најдобри за полнење. Другите, оние со мека  кора, ќе се распаднат во текот на печењето. 

---

Двојно печени компири со павлака и тивкици
Потребно е:

• 1 компир, со рапава кора
• 1 лажица маслиново масло
• 2 лажици павлака
• малку млеко
• сол и бибер
• половина лажиче ситно сечкан магдонос
• 1 мала тиквица, исечкана на ситни коцки

Подготовка: Компирот измијте го и убаво исушете го. Со вилушка избоцкајте го на неколку места. Ова ќе спречи компирот да експлодира во текот на печењето. 

Намачкајте го со маслиново масло и зачинете го малку со сол и бибер. Имате два начина да го испечете: во микробранова печка, така што ќе го ставите во огноотпорен сад и ќе го печете 10 минути или ќе го завиткате во фолија, ќе го ставите во тавче за печење и ќе го печете во рерна загреана на 250 целзиусови степени, додека да омекне. 

За тоа време направете го филот. Ситно сечканите тиквици ставете ги да се пропржат на малку маслиново масло. Пржете ги додека да омекнат. Тиквиците може да ги замените со било кој зеленчук по ваша желба (домати, пиперки, кромид, модар патлиџан...).Зачинете со сол и бибер. 

Кога компирот убаво ќе омекне (не се лакомете и оставете го сосема да се олади) пресечете го по должина, не до крај, туку  да направите џеб.  Извадете ја внатрешноста со лажица и неа зачинете ја со сол и бибер. Во неа, ставете ги павлаката, малку млеко, магдоносот и тиквиците, претходно убаво измешани, ако пире. Со овој фил наполнете ја внатрешноста на компирот. вака подготвен компирот ставете го во микробранова печка да се запече уште 2-3 минути или во рерна загреана на 250 целзиусови степени, околу 5-7 минут додека да се растопи павлаката. 

---

Двојно печени компири со кашкавал и сланина

Потребно е:

• 1 компир, со рапава кора
• 1 лажица маслиново масло
• 1 лажиче путер
• сол и бибер
• 1 лажица павлака
• 1 рака кашкавал, изрендан
• 1 лента сланина, ситно сечкана и пржена
• 1 чили пиперче, ситно исечкано

Подготовка: Тука важи истото за компирите како и погоре. направете го филот така што ќе го соедините павлаката, половина од кашкавалот, чили пиперчето и сланината. Зачинете со сол и бибер. Со овој фил наполнете ја внатрешноста на компирот, ставете го останатиот кашкавал од горе и ставете да се запече во микробранова печка 2 минути, додека да се растопи кашкавалот или во рерна, десетина минути. 

Извор: acozykitchen.com

Tweet